kal talak jo tha tasawwur anjuman-araiyon ka
kal talak jo thā tasavvur anjuman-ārā.iyoñ kā
vo muqaddar ban gayā hai ab mirī tanhā.iyoñ kā
zindagānī phir bikharne TūTne vaalī hai shāyad
ai zamīñ phir aa gayā mausam tirī añgḌā.iyoñ kā
is jahāñ meñ aaj jis ke sar pe tāj-e-khusravī hai
saarā qissa bas isī ke naam hai dānā.iyoñ kā
aadmī mujh ko banāyā hai unhī rusvā.iyoñ ne
hai azal se saath merā aur mirī rusvā.iyoñ kā
ai 'valī' rishta samundar se hai dil kā kuchh yaqīnan
koī andāza lagā paayā na un gahrā.iyoñ kā
kal talak jo tha tasawwur anjuman-araiyon ka
wo muqaddar ban gaya hai ab meri tanhaiyon ka
zindagani phir bikharne TuTne wali hai shayad
ai zamin phir aa gaya mausam teri angDaiyon ka
is jahan mein aaj jis ke sar pe taj-e-khusrawi hai
sara qissa bas isi ke nam hai danaiyon ka
aadmi mujh ko banaya hai unhi ruswaiyon ne
hai azal se sath mera aur meri ruswaiyon ka
ai 'wali' rishta samundar se hai dil ka kuchh yaqinan
koi andaza laga paya na un gahraiyon ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
