kal us ka zikr sar-e-KHas-o-am aisa tha

kal us kā zikr sar-e-ḳhās-o-ām aisā thā

na chhup sakā ki vo māh-e-tamām aisā thā

use qarīb se dekhā to dil dhaḌakne lagā

maiñ kyā karūñ mire dil kā nizām aisā thā

hasīn thā vo bahut par qarīb-tar us ke

koī pahuñch na sakā intizām aisā thā

jo us ko dekh le ho jā.egā shikam labrez

ki us kī diid meñ shāmil ta.aam aisā thā

phir us ne khol dī chāhat kī apnī bāra-darī

ki qasr-e-ishq meñ merā ḳhirām aisā thā

jo us ke hijr meñ likkhā thā Duub kar 'ātir'

sunā gayā vo mukarrar kalām aisā thā

kal us ka zikr sar-e-KHas-o-am aisa tha

na chhup saka ki wo mah-e-tamam aisa tha

use qarib se dekha to dil dhaDakne laga

main kya karun mere dil ka nizam aisa tha

hasin tha wo bahut par qarib-tar us ke

koi pahunch na saka intizam aisa tha

jo us ko dekh le ho jaega shikam labrez

ki us ki did mein shamil taam aisa tha

phir us ne khol di chahat ki apni bara-dari

ki qasr-e-ishq mein mera KHiram aisa tha

jo us ke hijr mein likkha tha Dub kar 'atir'

suna gaya wo mukarrar kalam aisa tha