kalam logon se meri taraf ishaara bhi
kalām logoñ se merī taraf ishāra bhī
vahī sulūk hai us shaḳhs kā dubāra bhī
mire mahāz pe merī nigāh se bach kar
mire ḳhilāf khaḌā hai mirā sitāra bhī
badalte vaqt kī peshānī par ye likkhā hai
nazar ke saath badal jaatā hai nazāra bhī
ye baat 'aql ke putloñ ko kaun samjhā.e
sivā hai mehr se is raat ik sharāra bhī
isī safar meñ milī hai murād apnī mujhe
isī safar meñ uThāyā bahut ḳhasāra bhī
mirī nazar mire bartāv ke salīqe kī
‘alāmateñ bhī haiñ muhtāj isti'āra bhī
tirī giraft kā 'vasfī' bharam na khul jaa.e
mire ishāre haiñ sayyāl pāra-pāra bhī
kalam logon se meri taraf ishaara bhi
wahi suluk hai us shaKHs ka dubara bhi
mere mahaz pe meri nigah se bach kar
mere KHilaf khaDa hai mera sitara bhi
badalte waqt ki peshani par ye likkha hai
nazar ke sath badal jata hai nazara bhi
ye baat 'aql ke putlon ko kaun samjhae
siwa hai mehr se is raat ek sharara bhi
isi safar mein mili hai murad apni mujhe
isi safar mein uThaya bahut KHasara bhi
meri nazar mere bartaw ke saliqe ki
‘alamaten bhi hain muhtaj isti'ara bhi
teri giraft ka 'wasfi' bharam na khul jae
mere ishaare hain sayyal para-para bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
