kali jo dil ki khili thi masal gai tariKH

kalī jo dil kī khilī thī masal ga.ī tārīḳh

bahār jaise hī aa.ī badal ga.ī tārīḳh

jo pau phaTī to hameñ hosh aayā raat ga.ī

fareb aaj bhī de kar nikal ga.ī tārīḳh

ik aur va.ade kā shiddat se intizār kiyā

tumhāre va.ade kī jab bhī badal ga.ī tārīḳh

bahut ġhurūr thā maazī pe aaj tak us ko

hamārī raah meñ aa.ī to jal ga.ī tārīḳh

jahāñ bhī zehn-e-rasā ne qadam uThā.e haiñ

rivāyatoñ ko ye baḌh kar kuchal ga.ī tārīḳh

kahāniyoñ ko haqīqat kā ruup de Daalā

'farīd' aap ke sheroñ meñ Dhal ga.ī tārīḳh

kali jo dil ki khili thi masal gai tariKH

bahaar jaise hi aai badal gai tariKH

jo pau phaTi to hamein hosh aaya raat gai

fareb aaj bhi de kar nikal gai tariKH

ek aur wade ka shiddat se intizar kiya

tumhaare wade ki jab bhi badal gai tariKH

bahut ghurur tha mazi pe aaj tak us ko

hamari rah mein aai to jal gai tariKH

jahan bhi zehn-e-rasa ne qadam uThae hain

riwayaton ko ye baDh kar kuchal gai tariKH

kahaniyon ko haqiqat ka rup de Dala

'farid' aap ke sheron mein Dhal gai tariKH