kali kali ke baja raazdar hain hum log

kalī kalī ke bajā rāzdār haiñ ham log

chaman ko faḳhr hai jin par vo ḳhaar haiñ ham log

lahū se apne gulistāñ ko sabza-zār kiyā

bahut ḳhulūs ke ā.īna-dār haiñ ham log

haqīr jaan ke Thukrā rahe haiñ ahl-e-chaman

chaman meñ apnī jagah ḳhud bahār haiñ ham log

kuchh aisā gardish-e-daurāñ kā dekhte haiñ fusūñ

ki aaj ahl-e-gulistāñ pe baar haiñ ham log

sitam ye hai ki zamāne kā ġham uThāne par

qarār paate nahīñ be-qarār haiñ ham log

yahī hai dāvat-e-aish-o-nishāt roz-o-shab

ḳhushī kā zikr nahīñ ashk-bār haiñ ham log

hamāre ahd-e-guzishta kī dekhiye tārīḳh

ḳhud apnī shaan meñ zī-iftiḳhār haiñ ham log

qadam qadam pe masā.ib uThā rahe haiñ 'ḳhizr'

ḳhudā-gavāh ki phir ġham-gusār haiñ ham log

kali kali ke baja raazdar hain hum log

chaman ko faKHr hai jin par wo KHar hain hum log

lahu se apne gulistan ko sabza-zar kiya

bahut KHulus ke aaina-dar hain hum log

haqir jaan ke Thukra rahe hain ahl-e-chaman

chaman mein apni jagah KHud bahaar hain hum log

kuchh aisa gardish-e-dauran ka dekhte hain fusun

ki aaj ahl-e-gulistan pe bar hain hum log

sitam ye hai ki zamane ka gham uThane par

qarar pate nahin be-qarar hain hum log

yahi hai dawat-e-aish-o-nishat roz-o-shab

KHushi ka zikr nahin ashk-bar hain hum log

hamare ahd-e-guzishta ki dekhiye tariKH

KHud apni shan mein zi-iftiKHar hain hum log

qadam qadam pe masaib uTha rahe hain 'KHizr'

KHuda-gawah ki phir gham-gusar hain hum log