kaliyon ki tarah dhula dhula hai
kaliyoñ kī tarah dhulā dhulā hai
vo jism shumāl meñ banā hai
gul-bār haiñ zulf o shāna us ke
qāmat meñ vo tavīl o dilrubā hai
lamhoñ ke samundar meñ jaise
bahtā huā chāñd aa rahā hai
hoñToñ se vo dekhtā hai mujh ko
āñkhoñ se mujhe pukārtā hai
guzrī hai ramoñ meñ umr merī
hirnoñ se mirā muāshiqa hai
'jamshed' sambhal ke us badan par
bas ḳhanda-e-surḳh kī ridā hai
kaliyon ki tarah dhula dhula hai
wo jism shumal mein bana hai
gul-bar hain zulf o shana us ke
qamat mein wo tawil o dilruba hai
lamhon ke samundar mein jaise
bahta hua chand aa raha hai
honTon se wo dekhta hai mujh ko
aankhon se mujhe pukarta hai
guzri hai ramon mein umr meri
hirnon se mera muashiqa hai
'jamshed' sambhal ke us badan par
bas KHanda-e-surKH ki rida hai
- Book : Pakistani Adab (Pg. 408)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
