kam-basirat azab kahte hain

kam-basīrat azaab kahte haiñ

ziist ko ham savāb kahte haiñ

ham ne ābād kar diye sahrā

log ḳhāna-ḳharāb kahte haiñ

be-ruḳhī ne hameñ kiyā ghāyal

vo vafā kā javāb kahte haiñ

ġham jo nanhā sā ik diyā Thahrā

sab use āftāb kahte haiñ

pyaar miltā hai pyaar ke badle

ham divāne kā ḳhvāb kahte haiñ

dukh kī lahroñ ko dekh kar ham to

sukh kā bahtā chanāb kahte haiñ

husn be-shak hai bevafā 'anvār'

ham vafā kī kitāb kahte haiñ

kam-basirat azab kahte hain

zist ko hum sawab kahte hain

hum ne aabaad kar diye sahra

log KHana-KHarab kahte hain

be-ruKHi ne hamein kiya ghayal

wo wafa ka jawab kahte hain

gham jo nanha sa ek diya Thahra

sab use aaftab kahte hain

pyar milta hai pyar ke badle

hum diwane ka KHwab kahte hain

dukh ki lahron ko dekh kar hum to

sukh ka bahta chanab kahte hain

husn be-shak hai bewafa 'anwar'

hum wafa ki kitab kahte hain