kam nahin ye bhi zindagi ke liye

kam nahīñ ye bhī zindagī ke liye

jaan jaa.e tirī ḳhushī ke liye

dostī ho vafā ho nafrat ho

kuchh bahāna ho zindagī ke liye

aap kī yaad kā bas ek diyā

hai bahut dil kī raushnī ke liye

vo jo māñge to jaan bhī de duuñ

jī rahā huuñ isī ḳhushī ke liye

bārhā ḳhuun kar liyā dil ko

us ke hoñToñ kī ik hañsī ke liye

aaj ke daur meñ suno 'ārif'

koī martā nahīñ kisī ke liye

kam nahin ye bhi zindagi ke liye

jaan jae teri KHushi ke liye

dosti ho wafa ho nafrat ho

kuchh bahana ho zindagi ke liye

aap ki yaad ka bas ek diya

hai bahut dil ki raushni ke liye

wo jo mange to jaan bhi de dun

ji raha hun isi KHushi ke liye

barha KHun kar liya dil ko

us ke honTon ki ek hansi ke liye

aaj ke daur mein suno 'arif'

koi marta nahin kisi ke liye