kam se kam aarzi nahin hogi

kam se kam aarzī nahīñ hogī

maut itnī burī nahīñ hogī

itnī chhoTī hai kā.enāt mujhe

khul ke āvārgī nahīñ hogī

diin meñ jabr ko ravā rakhnā

maz.habī ḳhud-kushī nahīñ hogī

sab pe tanqīs kar rahā hai vo

us se ab shā.irī nahīñ hogī

hifz kar lūñgā maiñ badan us kā

jeb meñ diary nahīñ hogī

sab tamannā.eñ puurī karnī haiñ

tū batā kaun sī nahīñ hogī

sab ko sab kuchh milegā jannat meñ

bas vahāñ zindagī nahīñ hogī

ab jo chamkegī dekh kar us ko

bhuuk vo jism kī nahīñ hogī

vaqt muTThī meñ hogā tab tire paas

haath par jab ghaḌī nahīñ hogī

kah diyā naañ vo merā maazī thā

is pe ab baat bhī nahīñ hogī

jhiil kī dāstān ḳhatm huī

chāñd hogā parī nahīñ hogī

kam se kam aarzi nahin hogi

maut itni buri nahin hogi

itni chhoTi hai kaenat mujhe

khul ke aawargi nahin hogi

din mein jabr ko rawa rakhna

mazhabi KHud-kushi nahin hogi

sab pe tanqis kar raha hai wo

us se ab shairi nahin hogi

hifz kar lunga main badan us ka

jeb mein diary nahin hogi

sab tamannaen puri karni hain

tu bata kaun si nahin hogi

sab ko sab kuchh milega jannat mein

bas wahan zindagi nahin hogi

ab jo chamkegi dekh kar us ko

bhuk wo jism ki nahin hogi

waqt muTThi mein hoga tab tere pas

hath par jab ghaDi nahin hogi

kah diya nan wo mera mazi tha

is pe ab baat bhi nahin hogi

jhil ki dastan KHatm hui

chand hoga pari nahin hogi