kam-suKHan main hun aap kam-amez

kam-suḳhan maiñ huuñ aap kam-āmez

dil kā paimāna ġham se hai labrez

bhīgī palkoñ se ḳhuuñ Tapakne lagā

dāman-e-dil jo ho gayā ḳhūñ-rez

laḌkhaḌāte haiñ maut ke bhī qadam

nashsha-e-zindagī hai kitnā tez

ruk ga.e qāfile bahāroñ ke

kis ke naale haiñ itne dard-angez

lab pe hai tanz bhī tabassum bhī

har adā un kī maslahat-āmez

dil kī vīrāniyoñ kā kyā hogā

zindagī tū bhī hai nashāt-angez

zabt-e-ġham ik tirī navāzish se

dāman-e-ārzū huā ḳhūñ-rez

saarī duniyā ko bhuul baiThā huuñ

terī yādeñ haiñ kitnī dil-āvez

jagmagāyā dayār-e-dil 'nayyar'

jab bhī koī huā tabassum-rez

kam-suKHan main hun aap kam-amez

dil ka paimana gham se hai labrez

bhigi palkon se KHun Tapakne laga

daman-e-dil jo ho gaya KHun-rez

laDkhaDate hain maut ke bhi qadam

nashsha-e-zindagi hai kitna tez

ruk gae qafile bahaaron ke

kis ke nale hain itne dard-angez

lab pe hai tanz bhi tabassum bhi

har ada un ki maslahat-amez

dil ki viraniyon ka kya hoga

zindagi tu bhi hai nashat-angez

zabt-e-gham ek teri nawazish se

daman-e-arzu hua KHun-rez

sari duniya ko bhul baiTha hun

teri yaaden hain kitni dil-awez

jagmagaya dayar-e-dil 'nayyar'

jab bhi koi hua tabassum-rez