kamal-e-husn ka iqrar kar jaana hi paDta hai

kamāl-e-husn kā iqrār kar jaanā hī paḌtā hai

adā.eñ itnī kāfir hoñ to mar jaanā hī paḌtā hai

koī manzil ho majbūr-e-safar haiñ hausle vaale

guzar mushkil sahī lekin guzar jaanā hī paḌtā hai

talab meñ tez-gāmī har jagah mauzūñ nahīñ hotī

jahāñ bhī vaqt Thahrāte Thahar jaanā hī paḌtā hai

kahāñ tak nāz-bardārī tirī ai gardish-e-daurāñ

chaḌhe dariyā ko bhī ik din utar jaanā hī paḌtā hai

gulistāñ ho ki sahrā kū-e-qātil ho ki mai-ḳhāna

jidhar taqdīr le jaa.e udhar jaanā hī paḌtā hai

tire javoñ kī tābānī sambhalne hī nahīñ detī

nazar ko hosh kī sūrat bikhar jaanā hī paḌtā hai

ravāñ hai kārvān-e-zindagī lamhoñ kī sūrat meñ

bikharte TūTte shām-o-sahar jaanā hī paḌtā hai

vo jaate haiñ to saath un ke nazar tanhā nahīñ jaatī

hameñ bhī duur hamrāh-e-nazar jaanā hī paḌtā hai

kabhī hālāt is manzil pe bhī laate haiñ insāñ ko

ki sab kuchh jaan kar sab se guzar jaanā hī paḌtā hai

zamīn-e-dil kī shādābī hai amvāj-e-havādis se

bahār aa.e to gulshan ko sañvar jaanā hī paḌtā hai

yahī to 'shauq'-e-majbūrī hai apnī bazm-e-sāqī meñ

hazār inkār karte haiñ magar jaanā hī paḌtā hai

kamal-e-husn ka iqrar kar jaana hi paDta hai

adaen itni kafir hon to mar jaana hi paDta hai

koi manzil ho majbur-e-safar hain hausle wale

guzar mushkil sahi lekin guzar jaana hi paDta hai

talab mein tez-gami har jagah mauzun nahin hoti

jahan bhi waqt Thahraate Thahar jaana hi paDta hai

kahan tak naz-bardari teri ai gardish-e-dauran

chaDhe dariya ko bhi ek din utar jaana hi paDta hai

gulistan ho ki sahra ku-e-qatil ho ki mai-KHana

jidhar taqdir le jae udhar jaana hi paDta hai

tere jawon ki tabani sambhalne hi nahin deti

nazar ko hosh ki surat bikhar jaana hi paDta hai

rawan hai karwan-e-zindagi lamhon ki surat mein

bikharte TuTte sham-o-sahar jaana hi paDta hai

wo jate hain to sath un ke nazar tanha nahin jati

hamein bhi dur hamrah-e-nazar jaana hi paDta hai

kabhi haalat is manzil pe bhi late hain insan ko

ki sab kuchh jaan kar sab se guzar jaana hi paDta hai

zamin-e-dil ki shadabi hai amwaj-e-hawadis se

bahaar aae to gulshan ko sanwar jaana hi paDta hai

yahi to 'shauq'-e-majburi hai apni bazm-e-saqi mein

hazar inkar karte hain magar jaana hi paDta hai