kamal-e-husn-o-sadaqat talash karta hun

kamāl-e-husn-o-sadāqat talāsh kartā huuñ

har ek shai meñ haqīqat talāsh kartā huuñ

adab ki den siyāsat ki falsafa sab meñ

nishān-e-fikr-o-basīrat talāsh kartā huuñ

TaToltā huuñ har ik dil amiiq nazroñ se

ḳhulūs-o-mehr-o-mohabbat talāsh kartā huuñ

jo rāhatoñ kī manāzil se ham-kanār kare

vo rahnumā vo qayādat talāsh kartā huuñ

maiñ apnī jehd-e-musalsal kī tah meñ ai 'maqbūl'

vaqī.a ḳhvāb kī jannat talāsh kartā huuñ

kamal-e-husn-o-sadaqat talash karta hun

har ek shai mein haqiqat talash karta hun

adab ki den siyasat ki falsafa sab mein

nishan-e-fikr-o-basirat talash karta hun

TaTolta hun har ek dil amiq nazron se

KHulus-o-mehr-o-mohabbat talash karta hun

jo rahaton ki manazil se ham-kanar kare

wo rahnuma wo qayaadat talash karta hun

main apni jehd-e-musalsal ki tah mein ai 'maqbul'

waqia KHwab ki jannat talash karta hun