kamal-e-shauq ki lazzat sameT lai hun

kamāl-e-shauq kī lazzat sameT laa.ī huuñ

maiñ shahr-e-jāñ meñ tamāzat sameT laa.ī huuñ

qadam qadam pe mirā imtihāñ zarūrī hai

zamāne bhar kī mohabbat sameT laa.ī huuñ

shikasta ḳhvāboñ kā mela lagā hai āñgan meñ

maiñ likh rahī huuñ ki chāhat sameT laa.ī huuñ

yahāñ to sho.aloñ kā ambār miltā jaatā hai

maiñ mutma.in thī ki jannat sameT laa.ī huuñ

uThe haiñ saikḌoñ tūfāñ jidhar uThā.ī nazar

maiñ dil ke saath hī aafat sameT laa.ī huuñ

tamām umr kī mujh ko milī hai mazdūrī

maiñ umr-bhar kī shikāyat sameT laa.ī huuñ

ai ḳhāk-e-dil tujhe kājal banā liyā maiñ ne

ye kis qarīne se vahshat sameT laa.ī huuñ

añdherī bastī meñ jalne lage diye 'mumtāz'

maiñ jugnuoñ kī alāmat sameT laa.ī huuñ

kamal-e-shauq ki lazzat sameT lai hun

main shahr-e-jaan mein tamazat sameT lai hun

qadam qadam pe mera imtihan zaruri hai

zamane bhar ki mohabbat sameT lai hun

shikasta KHwabon ka mela laga hai aangan mein

main likh rahi hun ki chahat sameT lai hun

yahan to shoalon ka ambar milta jata hai

main mutmain thi ki jannat sameT lai hun

uThe hain saikDon tufan jidhar uThai nazar

main dil ke sath hi aafat sameT lai hun

tamam umr ki mujh ko mili hai mazduri

main umr-bhar ki shikayat sameT lai hun

ai KHak-e-dil tujhe kajal bana liya main ne

ye kis qarine se wahshat sameT lai hun

andheri basti mein jalne lage diye 'mumtaz'

main jugnuon ki alamat sameT lai hun