kamal-e-zabt ki hogi bayan tafsir kaghaz par

kamāl-e-zabt kī hogī bayāñ tafsīr kāġhaz par

raqam kar dūñgā aisī dil-nashīñ tahrīr kāġhaz par

musavvir ne lahū apnā nichoḌā hai bahut is meñ

takallum kar rahī hai ab tirī tasvīr kāġhaz par

vo jis ne umr bhar dekhā nahīñ hai jang kā maidāñ

bahut ḳhush hai banā kar vo bhī ik shamshīr kāġhaz par

bahut mushkil hai tujh ko maiñ zamāne se chhupā pā.ūñ

mire ash.ār karte haiñ tirī tash.hīr kāġhaz par

abhī kitne mahāzoñ par vatan ko jang laḌnī hai

ye leader kar rahe haiñ dekhiye taqrīr kāġhaz par

sar āñkhoñ par mire ash.ār rakhte haiñ dīvāne log

junūñ kī mil rahī hai mujh ko ye tauqīr kāġhaz par

tasalsul jaarī hai sher-o-suḳhan kā āj-kal 'bismil'

nazar aa.ī hai ḳhvāboñ kī mujhe ta.abīr kāġhaz par

kamal-e-zabt ki hogi bayan tafsir kaghaz par

raqam kar dunga aisi dil-nashin tahrir kaghaz par

musawwir ne lahu apna nichoDa hai bahut is mein

takallum kar rahi hai ab teri taswir kaghaz par

wo jis ne umr bhar dekha nahin hai jang ka maidan

bahut KHush hai bana kar wo bhi ek shamshir kaghaz par

bahut mushkil hai tujh ko main zamane se chhupa paun

mere ashaar karte hain teri tashhir kaghaz par

abhi kitne mahazon par watan ko jang laDni hai

ye leader kar rahe hain dekhiye taqrir kaghaz par

sar aankhon par mere ashaar rakhte hain diwane log

junun ki mil rahi hai mujh ko ye tauqir kaghaz par

tasalsul jari hai sher-o-suKHan ka aaj-kal 'bismil'

nazar aai hai KHwabon ki mujhe tabir kaghaz par