kamal-e-zabt ko yaksar bhi aazmana nahin

kamāl-e-zabt ko yaksar bhī āzmānā nahīñ

tabāh kījiye chup-chāp par jatānā nahīñ

tū shahr-e-dil meñ nayā hai so mashvara sun le

ziyāda gahre marāsim yahāñ banānā nahīñ

chalā gayā hai magar ye sabaq sikhā gayā hai

taras dobāra kisī dil-zada pe khānā nahīñ

kuredte hue qismat ke band tah-ḳhāne

lage haiñ saañp mire haath par ḳhazāna nahīñ

ab is maqām se raste judā haiñ tere mire

havāle rab ke chale jaao aur bhulānā nahīñ

supurdagī to baḌā mas.ala nahīñ lekin

harīm-e-zāt meñ ḳhud merā ānā-jānā nahīñ

bachāo us ko miyāñ vasl kī mashaqqat se

ye ishq apnī tabī.at meñ āmiyāna nahīñ

kamal-e-zabt ko yaksar bhi aazmana nahin

tabah kijiye chup-chap par jatana nahin

tu shahr-e-dil mein naya hai so mashwara sun le

ziyaada gahre marasim yahan banana nahin

chala gaya hai magar ye sabaq sikha gaya hai

taras dobara kisi dil-zada pe khana nahin

kuredte hue qismat ke band tah-KHane

lage hain sanp mere hath par KHazana nahin

ab is maqam se raste juda hain tere mere

hawale rab ke chale jao aur bhulana nahin

supurdagi to baDa masala nahin lekin

harim-e-zat mein KHud mera aana-jaana nahin

bachao us ko miyan wasl ki mashaqqat se

ye ishq apni tabiat mein aamiyana nahin