kamar ki baat sunte hain ye kuchh pai nahin jati

kamar kī baat sunte haiñ ye kuchh paa.ī nahīñ jaatī

kahe haiñ baat aisī ḳhayāl meñ mere nahīñ aatī

jo chāho sair-e-dariyā vaqf hai mujh chashm kī kashtī

har ek mū-e-palak merā hai goyā ghaaT ḳhairātī

ba-rañg us ke nahīñ mahbūb dil rone ko āshiq ke

sa.ādat ḳhaañ hai laḌkā vaz.a kar letā hai barsātī

jo koī aslī hai ThanDā garm yāqūtī meñ kyūñkar ho

na laave taab tere lab kī jo nāmard hai zaatī

na dekhā baaġh meñ nargis niiñ tujh kuuñ sharm jaane siiñ

isī ġham meñ huī hai sar-nigūñ vo vaqt nahīñ paatī

kahāñ mumkin hai 'nājī' sā ki taqvā aur salāh aave

nigāh-e-mast-e-ḳhūbāñ vo nahīñ letā ḳharābātī

kamar ki baat sunte hain ye kuchh pai nahin jati

kahe hain baat aisi KHayal mein mere nahin aati

jo chaho sair-e-dariya waqf hai mujh chashm ki kashti

har ek mu-e-palak mera hai goya ghaT KHairaati

ba-rang us ke nahin mahbub dil rone ko aashiq ke

saadat KHan hai laDka waza kar leta hai barsati

jo koi asli hai ThanDa garm yaquti mein kyunkar ho

na lawe tab tere lab ki jo namard hai zati

na dekha bagh mein nargis nin tujh kun sharm jaane sin

isi gham mein hui hai sar-nigun wo waqt nahin pati

kahan mumkin hai 'naji' sa ki taqwa aur salah aawe

nigah-e-mast-e-KHuban wo nahin leta KHarabaati