kami hai kaun si ghar mein dikhane lag gae hain

kamī hai kaun sī ghar meñ dikhāne lag ga.e haiñ

charāġh aur añdherā baḌhāne lag ga.e haiñ

ye e'timād bhī merā diyā huā hai tujhe

jo mere mashvare be-kār jaane lag ga.e haiñ

maiñ itnā va.ada-farāmosh bhī nahīñ huuñ ki aap

mire libās pe girheñ lagāne lag ga.e haiñ

vo pahle tanhā ḳhazāne ke ḳhvāb dekhtā thā

ab apne haath bhī naqshe purāne lag ga.e haiñ

fazā badal ga.ī andar se ham parindoñ kī

jo bol tak nahīñ sakte the gaane lag ga.e haiñ

kahīñ hamārā talātum thame to faisla ho

ham apnī mauj meñ kyā kyā bahāne lag ga.e haiñ

nahīñ ba.iid ki jañgal meñ shaam paḌ jaa.e

ham ek peḌ ko rasta batāne lag ga.e haiñ

kami hai kaun si ghar mein dikhane lag gae hain

charagh aur andhera baDhane lag gae hain

ye e'timad bhi mera diya hua hai tujhe

jo mere mashware be-kar jaane lag gae hain

main itna wada-faramosh bhi nahin hun ki aap

mere libas pe girhen lagane lag gae hain

wo pahle tanha KHazane ke KHwab dekhta tha

ab apne hath bhi naqshe purane lag gae hain

faza badal gai andar se hum parindon ki

jo bol tak nahin sakte the gane lag gae hain

kahin hamara talatum thame to faisla ho

hum apni mauj mein kya kya bahane lag gae hain

nahin baid ki jangal mein sham paD jae

hum ek peD ko rasta batane lag gae hain