kanar-e-chashm se dekha hai KHauf khate hue

kanār-e-chashm se dekhā hai ḳhauf khāte hue

laraztī Doltī duniyā ko Duub jaate hue

kisī ne ham se na pūchhā hamāre ḳhvāb kā rang

ye rang rang ke parcham hameñ thamāte hue

hai shor-ḳhāna-e-duniyā galī ke nukkaḌ par

maiñ kaan band hī rakhtā huuñ āte-jāte hue

koī to aa ke ḳhabar le ki bujhtā jaatā hai

faqīr shab ke añdhere meñ din milāte hue

tumhāre paañv jame haiñ so tum na samjhoge

hayāt kaise guzartī hai laḌkhaḌāte hue

bhalā ho māh-e-muhabbat kī nūr-pāshī kā

ham aise log bhī jiite haiñ jagmagāte hue

maiñ dard-e-hijr kī shiddat se ḳhuub vāqif huuñ

so aasrā tumheñ detā huuñ Dagmagāte hue

kabhī-kabhār saḌak par maiñ ḳhud se miltā huuñ

kisī ko chhoḌ ke aate kisī ko laate hue

kanar-e-chashm se dekha hai KHauf khate hue

larazti Dolti duniya ko Dub jate hue

kisi ne hum se na puchha hamare KHwab ka rang

ye rang rang ke parcham hamein thamate hue

hai shor-KHana-e-duniya gali ke nukkaD par

main kan band hi rakhta hun aate-jate hue

koi to aa ke KHabar le ki bujhta jata hai

faqir shab ke andhere mein din milate hue

tumhaare panw jame hain so tum na samjhoge

hayat kaise guzarti hai laDkhaDate hue

bhala ho mah-e-muhabbat ki nur-pashi ka

hum aise log bhi jite hain jagmagate hue

main dard-e-hijr ki shiddat se KHub waqif hun

so aasra tumhein deta hun Dagmagate hue

kabhi-kabhaar saDak par main KHud se milta hun

kisi ko chhoD ke aate kisi ko late hue