kar chuki gham se sarfaraaz mujhe

kar chukī ġham se sarfarāz mujhe

bhuul jā ai nigāh-e-nāz mujhe

phuuT jaa.eñ na aable dil ke

na satā mere ġham-navāz mujhe

kab tak āḳhir lahū rulā.egā

terā husn-e-karishma-sāz mujhe

kaun ab ḳhaak chhāne dar-dar kī

khīñch le naqsh-e-pā-e-nāz mujhe

rag-e-jāñ se qarīb ho ke bhī

na kiyā āshnā-e-rāz mujhe

kaun apnā hai kaun begāna

haañ kabhī thā ye imtiyāz mujhe

ai 'shafaq' un kī be-niyāzī ne

kar diyā ḳhud se be-niyāz mujhe

kar chuki gham se sarfaraaz mujhe

bhul ja ai nigah-e-naz mujhe

phuT jaen na aable dil ke

na sata mere gham-nawaz mujhe

kab tak aaKHir lahu rulaega

tera husn-e-karishma-saz mujhe

kaun ab KHak chhane dar-dar ki

khinch le naqsh-e-pa-e-naz mujhe

rag-e-jaan se qarib ho ke bhi

na kiya aashna-e-raaz mujhe

kaun apna hai kaun begana

han kabhi tha ye imtiyaz mujhe

ai 'shafaq' un ki be-niyazi ne

kar diya KHud se be-niyaz mujhe