kar de muaf mujhko wo aisa main kya karun

kar de mu'āf mujh ko vo aisā maiñ kyā karūñ

sar nīche kar ke ḳhud ko maiñ ulTā khaḌā karūñ

paḌhne ko she'r de na jo ustād kyā karūñ

'ġhālib' kī ġhazleñ ḳhuub churā kar paḌhā karūñ

ik maiñ hī kyoñ jahāñ meñ kisī se vafā karūñ

maiñ to banā.ūñ yaar banā ke daġhā karūñ

suntā huuñ mere ġham meñ vo dīvānī ho ga.ī

kūche meñ us ke jā.ūñ kisī se pata karūñ

vo apnā ghar basā ke bahut ḳhush hai ġhair se

chal ke ḳhushī kā saarā mazā kirkirā karūñ

mujh ko sharīk-e-zindagī ik aur de ḳhudā

biivī ke paas baiTh ke aisī du'ā karūñ

kar de mu'af mujh ko wo aisa main kya karun

sar niche kar ke KHud ko main ulTa khaDa karun

paDhne ko she'r de na jo ustad kya karun

'ghaalib' ki ghazlen KHub chura kar paDha karun

ek main hi kyon jahan mein kisi se wafa karun

main to banaun yar bana ke dagha karun

sunta hun mere gham mein wo diwani ho gai

kuche mein us ke jaun kisi se pata karun

wo apna ghar basa ke bahut KHush hai ghair se

chal ke KHushi ka sara maza kirkira karun

mujh ko sharik-e-zindagi ek aur de KHuda

biwi ke pas baiTh ke aisi du'a karun