kar gae itna nikamma tere ehsan hum ko

kar ga.e itnā nikammā tire ehsāñ ham ko

fā.ede se bhī ziyāda huā nuqsāñ ham ko

mai-kashī se hameñ ye fā.eda hai ai zāhid

lagne lagte haiñ sabhī kaam hī āsāñ ham ko

kaun nuqsān uThātā hai usūloñ ke liye

dīn-o-īmān se baḌh kar haiñ dil-o-jāñ ham ko

ham se nāchīz bhī rakhte haiñ ye ḳhvāhish dil meñ

koī samjhe hameñ aaqā koī sultāñ ham ko

aaj pul bāñdh rahe haiñ vahī tārīfoñ ke

zindagī bhar jo samajhte rahe nādāñ ham ko

ḳhud-baḳhud DhūñDegī rasta koī rahmat us kī

raas aa jā.egī ḳhud gardish-e-daurāñ ham ko

fikr-e-fardā se baḌā rog nahīñ koī bhī

umr bhar rakhtī hai bekār pareshāñ ham ko

dil meñ hai dard tirā fikr tirī pyaar tirā

kaise lagtā na ye vīrāna gulistāñ ham ko

kar gae itna nikamma tere ehsan hum ko

faede se bhi ziyaada hua nuqsan hum ko

mai-kashi se hamein ye faeda hai ai zahid

lagne lagte hain sabhi kaam hi aasan hum ko

kaun nuqsan uThata hai usulon ke liye

din-o-iman se baDh kar hain dil-o-jaan hum ko

hum se nachiz bhi rakhte hain ye KHwahish dil mein

koi samjhe hamein aaqa koi sultan hum ko

aaj pul bandh rahe hain wahi tarifon ke

zindagi bhar jo samajhte rahe nadan hum ko

KHud-baKHud DhunDegi rasta koi rahmat us ki

ras aa jaegi KHud gardish-e-dauran hum ko

fikr-e-farda se baDa rog nahin koi bhi

umr bhar rakhti hai bekar pareshan hum ko

dil mein hai dard tera fikr teri pyar tera

kaise lagta na ye virana gulistan hum ko