kar kar ke qaid mujhko wo sayyaad rah gaya

kar kar ke qaid mujh ko vo sayyād rah gayā

maiñ thā asīr-e-ranj so āzād rah gayā

siine se ek tiir to niklā hai jis tarah

us ne magar kiyā thā jo irshād rah gayā

maiñ ne kahā ki vazn ko jāñcho zarā ba-ġhaur

kahne lagā ki jī mire ustād rah gayā

apnī ḳhirad pe hotā hai mujh ko malāl yuuñ

jo bhūlnā thā mujh ko vahī yaad rah gayā

sābir ho koī mujh sā to mujh ko dikhāo bhī

pahlū meñ mere tesha-e-farhād rah gayā

'sā.in' dil-e-ḳharāb kī bātoñ meñ aan ke

sahrā meñ jā milī na ghar ābād rah gayā

kar kar ke qaid mujh ko wo sayyaad rah gaya

main tha asir-e-ranj so aazad rah gaya

sine se ek tir to nikla hai jis tarah

us ne magar kiya tha jo irshad rah gaya

main ne kaha ki wazn ko jaancho zara ba-ghaur

kahne laga ki ji mere ustad rah gaya

apni KHirad pe hota hai mujh ko malal yun

jo bhulna tha mujh ko wahi yaad rah gaya

sabir ho koi mujh sa to mujh ko dikhao bhi

pahlu mein mere tesha-e-farhad rah gaya

'sain' dil-e-KHarab ki baaton mein aan ke

sahra mein ja mili na ghar aabaad rah gaya