kar ke KHwab aankh mein pahle to wo lae KHud ko

kar ke ḳhvāb aañkh meñ pahle to vo laa.e ḳhud ko

aur phir mujh ko jagāne ko satā.e ḳhud ko

hai ye lāzim ki malā.ek bhī bashar ho jaa.eñ

ab jo insān farishta nazar aa.e ḳhud ko

āḳhrī marhala aayā hai mohabbat kā ab

ab diyā ḳhud hī bujhā kar bhī dikhā.e ḳhud ko

vo pazīrā.ī kahīñ ishq meñ miltī hī nahīñ

jo bhī rūThā hai vo ab ḳhud hī manā.e ḳhud ko

mujh meñ tū tujh meñ talāshūñ huuñ maiñ sīrat apnī

sañg is tarz pe ā.īna bulā.e ḳhud ko

vaqt-e-duniyā ko samajhne meñ kareñ zaayā kyā

haif ab tak to na ham hī samajh aa.e ḳhud ko

rahzan-e-asr hī le jaa.e na aage kī raah

kah do 'ātif' se ki tezī se baḌhā.e ḳhud ko

kar ke KHwab aankh mein pahle to wo lae KHud ko

aur phir mujh ko jagane ko satae KHud ko

hai ye lazim ki malaek bhi bashar ho jaen

ab jo insan farishta nazar aae KHud ko

aaKHri marhala aaya hai mohabbat ka ab

ab diya KHud hi bujha kar bhi dikhae KHud ko

wo pazirai kahin ishq mein milti hi nahin

jo bhi ruTha hai wo ab KHud hi manae KHud ko

mujh mein tu tujh mein talashun hun main sirat apni

sang is tarz pe aaina bulae KHud ko

waqt-e-duniya ko samajhne mein karen zaya kya

haif ab tak to na hum hi samajh aae KHud ko

rahzan-e-asr hi le jae na aage ki rah

kah do 'atif' se ki tezi se baDhae KHud ko