kar ke qaul-o-qarar kya kahna

kar ke qaul-o-qarār kyā kahnā

o farāmosh-kār kyā kahnā

ho ke nādim gunah se paak huā

vaah re sharmsār kyā kahnā

kaam bigḌe tū hī banātā hai

ai mire kirdgār kyā kahnā

ḳhuub tū ne sunī lagī dil kī

vaah re ġham-gusār kyā kahnā

din ko taare dikhā diye tū ne

ai shab-e-intizār kyā kahnā

ḳhaak meñ bhī milā ke ai zālim

na kiyā e.atibār kyā kahnā

dil-e-hasrat-zada rahā na rahā

us kā qaul-o-qarār kyā kahnā

us se hāl-e-ġham-e-dil-e-mazlūm

jo na ho sharmsār kyā kahnā

bā-vafā.ī bhī terī ai dil-e-zār

rah ga.ī yādgār kyā kahnā

na sune ek baar jo dil kī

us se phir baar baar kyā kahnā

ḳhum ke ḳhum 'shauq' kar diye ḳhālī

ai mire bāda-ḳhvār kyā kahnā

kar ke qaul-o-qarar kya kahna

o faramosh-kar kya kahna

ho ke nadim gunah se pak hua

wah re sharmsar kya kahna

kaam bigDe tu hi banata hai

ai mere kirdgar kya kahna

KHub tu ne suni lagi dil ki

wah re gham-gusar kya kahna

din ko tare dikha diye tu ne

ai shab-e-intizar kya kahna

KHak mein bhi mila ke ai zalim

na kiya eatibar kya kahna

dil-e-hasrat-zada raha na raha

us ka qaul-o-qarar kya kahna

us se haal-e-gham-e-dil-e-mazlum

jo na ho sharmsar kya kahna

ba-wafai bhi teri ai dil-e-zar

rah gai yaadgar kya kahna

na sune ek bar jo dil ki

us se phir bar bar kya kahna

KHum ke KHum 'shauq' kar diye KHali

ai mere baada-KHwar kya kahna