kar ke shikayat-e-gham-e-haalat mat ganwa

kar ke shikāyat-e-ġham-e-hālāt mat gañvā

barsoñ ke baa'd kī ye mulāqāt mat gañvā

irfān-e-kā.enāt bhī iz.hār-e-zāt hai

ai be-shu.ūr apne mafādāt mat gañvā

mauqa milā tujhe to lagā tū bhī qahqahe

haath aa.e haiñ jo sukh ke ye lamhāt mat gañvā

daftar ke baa'd bhī vahī daftar kā tazkira

din to gañvā diyā hai magar raat mat gañvā

mausam kā ḳhaak lutf hai kamre meñ baiTh kar

ghar se nikal ke dekh ye barsāt mat gañvā

kar ke shikayat-e-gham-e-haalat mat ganwa

barson ke ba'd ki ye mulaqat mat ganwa

irfan-e-kaenat bhi izhaar-e-zat hai

ai be-shuur apne mafadat mat ganwa

mauqa mila tujhe to laga tu bhi qahqahe

hath aae hain jo sukh ke ye lamhat mat ganwa

daftar ke ba'd bhi wahi daftar ka tazkira

din to ganwa diya hai magar raat mat ganwa

mausam ka KHak lutf hai kamre mein baiTh kar

ghar se nikal ke dekh ye barsat mat ganwa