kar rahe hain war mere yar mujh par

kar rahe haiñ vaar mere yaar mujh par

raham kar kuchh to kahānī-kār mujh par

iiñT maiñ us par girānā chāhtā thā

aur huā ye gir ga.ī dīvār mujh par

ḳhatm ho jaatī vahīñ par ye kahānī

tum uThā lete agar hathyār mujh par

tū to merā dost hai mat dekh mauqa

sāmne se hī chalā talvār mujh par

'ishq meñ achchhī nahīñ hotī ḳhamoshī

jaan kuchh to bol tā'ne maar mujh par

kyā zarūrat hai batā de dost ab to

āj-kal kyoñ aa rahā hai pyaar mujh par

naam hī merā 'vijay' hai dhyān rakhnā

suiT kartī hī nahīñ hai haar mujh par

kar rahe hain war mere yar mujh par

raham kar kuchh to kahani-kar mujh par

inT main us par girana chahta tha

aur hua ye gir gai diwar mujh par

KHatm ho jati wahin par ye kahani

tum uTha lete agar hathyar mujh par

tu to mera dost hai mat dekh mauqa

samne se hi chala talwar mujh par

'ishq mein achchhi nahin hoti KHamoshi

jaan kuchh to bol ta'ne mar mujh par

kya zarurat hai bata de dost ab to

aaj-kal kyon aa raha hai pyar mujh par

nam hi mera 'wijay' hai dhyan rakhna

suiT karti hi nahin hai haar mujh par