کرم نواز یہ سارا جہاں نہیں نہ سہی

کرم نواز یہ سارا جہاں نہیں نہ سہی

وہ مہرباں ہے کوئی مہرباں نہیں نہ سہی

مری جبیں کو تو مطلب ہے سجدہ ریزی سے

نشان سنگ در آستاں نہیں نہ سہی

یہ غم بھی ان کی عطا کی ہوئی امانت ہے

اگر یہ باعث تسکین جاں نہیں نہ سہی

غم حبیب سلامت رہے یہ کیا کم ہے

خوشی کا دل میں جو نام و نشاں نہیں نہ سہی

چمن پرستوں میں اپنا وقار اب بھی ہے

مری نظر میں اگر باغباں نہیں نہ سہی

کسی کے حسن عطا پر ہے ناز اے نیرؔ

ہماری فرد عمل ضو فشاں نہیں نہ سہی