کرم نوازی لیل و نہار بھی تو نہیں

کرم نوازی لیل و نہار بھی تو نہیں

بہت دنوں سے ترا انتظار بھی تو نہیں

میں اپنے جیب و گریباں بھی چاک کر لوں مگر

مرے نصیب میں کوئی بہار بھی تو نہیں

بہار بن کے تو آئے ہو میری دنیا میں

مگر بہار کا کچھ اعتبار بھی تو نہیں

تمام عمر خموشی سے تم کو پوجا ہے

دل و نظر پہ مگر اختیار بھی تو نہیں

میں سوچتی ہوں کہ گزرے گی زندگی کیوں کر

کہ بے رخی تری اب ناگوار بھی تو نہیں

چلے بھی آؤ خدارا کہ ہے دم آخر

کہ مجھ میں تاب و تواں او قرار بھی تو نہیں

اٹھیں تو جائیں کہاں شاعرہؔ یہاں سے ہم

اجل کی راہ رہ کوئے یار بھی تو نہیں