کرب شکستگی کا مزہ ہم سے پوچھئے
کرب شکستگی کا مزہ ہم سے پوچھئے
اک پل کی دل لگی کا مزہ ہم سے پوچھئے
لمحوں کی سر خوشی کا مزہ آپ جانئے
صدیوں کی بے بسی کا مزہ ہم سے پوچھئے
ہر تیرگیٔ رسم جہالت کو چھوڑ کر
تنویر آگہی کا مزہ ہم سے پوچھئے
منزل کی جستجو میں بھٹکتے ہیں آج تک
بے علم رہبری کا مزہ ہم سے پوچھئے
شیشے کے سائبان میں ہے موم کا بدن
سورج سے دوستی کا مزہ ہم سے پوچھئے
سارے حواس جل گئے قربت کی آنچ میں
اس شب کی شعلگی کا مزہ ہم سے پوچھئے
قدموں میں لوٹنے لگی دولت جہان کی
اس سادہ زندگی کا مزہ ہم سے پوچھئے
ہر مرحلہ حیات کا آسان ہو گیا
انجام عاشقی کا مزہ ہم سے پوچھئے
آ کر سواد کوچۂ جاناں میں اے ندیمؔ
گم ہوتی روشنی کا مزہ ہم سے پوچھئے
- کتاب : سراب دشت امکاں(غزلیات) (Pg. 43)
- Author : ڈاکٹر امتیاز ندیم
- مطبع : مکتبہ نعیمہ صدر بازار(مئو ناتھ بھنجن) (2020)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
