karb hare mausam ka tab tak sahna paDta hai

karb hare mausam kā tab tak sahnā paḌtā hai

patjhaḌ meñ to paat ko āḳhir jhaḌnā paḌtā hai

kab tak auroñ ke sāñche meñ Dhalte jā.eñge

kisī jagah to ham ko āḳhir uḌnā paḌtā hai

sirf añdhere hī se diye kī jañg nahīñ hotī

tez havāoñ se bhī is ko laḌnā paḌtā hai

sahī-salāmat aage baḌhte rahne kī ḳhātir

kabhī kabhī to ḳhud bhī pīchhe haTnā paḌtā hai

sher kaheñ to aql-o-junūñ kī sarhad par ruk kar

lafzoñ meñ jazboñ ke nagoñ ko jaḌnā paḌtā hai

jīvan jiinā itnā bhī āsān nahīñ 'āzād'

saañs saañs meñ reza reza kaTnā paḌtā hai

karb hare mausam ka tab tak sahna paDta hai

patjhaD mein to pat ko aaKHir jhaDna paDta hai

kab tak auron ke sanche mein Dhalte jaenge

kisi jagah to hum ko aaKHir uDna paDta hai

sirf andhere hi se diye ki jang nahin hoti

tez hawaon se bhi is ko laDna paDta hai

sahi-salamat aage baDhte rahne ki KHatir

kabhi kabhi to KHud bhi pichhe haTna paDta hai

sher kahen to aql-o-junun ki sarhad par ruk kar

lafzon mein jazbon ke nagon ko jaDna paDta hai

jiwan jina itna bhi aasan nahin 'azad'

sans sans mein reza reza kaTna paDta hai