karen kis par bharosa koi is qabil nahin milta

kareñ kis par bharosa koī is qābil nahīñ miltā

sabhī se haath milte haiñ kisī se dil nahīñ miltā

shikasta kashtiyoñ ko jis tarah sāhil nahīñ miltā

hamārī qaum ko bhī rahbar-e-kāmil nahīñ miltā

jo maazī ke añdhere chiir kar aage nahīñ baḌhte

zamāne meñ unheñ tābinda mustaqbil nahīñ miltā

ta'alluq kā nibhānā ham ko aatā hī nahīñ shāyad

kisī se ham nahīñ milte kisī se dil nahīñ miltā

haiñ pinhāñ shohrat-o-maqbūliyat bhī inkisārī meñ

ġhurūr-o-tamkanat se rutba-e-kāmil nahīñ miltā

ajab dastūr hai 'sāġhar' hamāre shahr kā dekho

yahāñ lāsheñ to miltī haiñ magar qātil nahīñ miltā

karen kis par bharosa koi is qabil nahin milta

sabhi se hath milte hain kisi se dil nahin milta

shikasta kashtiyon ko jis tarah sahil nahin milta

hamari qaum ko bhi rahbar-e-kaamil nahin milta

jo mazi ke andhere chir kar aage nahin baDhte

zamane mein unhen tabinda mustaqbil nahin milta

ta'alluq ka nibhana hum ko aata hi nahin shayad

kisi se hum nahin milte kisi se dil nahin milta

hain pinhan shohrat-o-maqbuliyat bhi inkisari mein

ghurur-o-tamkanat se rutba-e-kaamil nahin milta

ajab dastur hai 'saghar' hamare shahr ka dekho

yahan lashen to milti hain magar qatil nahin milta