کریں کس پر بھروسہ کوئی اس قابل نہیں ملتا

کریں کس پر بھروسہ کوئی اس قابل نہیں ملتا

سبھی سے ہاتھ ملتے ہیں کسی سے دل نہیں ملتا

شکستہ کشتیوں کو جس طرح ساحل نہیں ملتا

ہماری قوم کو بھی رہبر کامل نہیں ملتا

جو ماضی کے اندھیرے چیر کر آگے نہیں بڑھتے

زمانے میں انہیں تابندہ مستقبل نہیں ملتا

تعلق کا نبھانا ہم کو آتا ہی نہیں شاید

کسی سے ہم نہیں ملتے کسی سے دل نہیں ملتا

ہیں پنہاں شہرت و مقبولیت بھی انکساری میں

غرور و تمکنت سے رتبۂ کامل نہیں ملتا

عجب دستور ہے ساغرؔ ہمارے شہر کا دیکھو

یہاں لاشیں تو ملتی ہیں مگر قاتل نہیں ملتا