karen un se shikayat aur gila kya

kareñ un se shikāyat aur gila kyā

unheñ ham ko satāne se milā kyā

hamāre qissa-e-ġham ko sunā kar

usī ġham se kisī kā dil jalā kyā

kyā badnām hai saare jahāñ meñ

tumheñ mil jā.egā is kā sila kyā

kabhī nazar-e-ināyat se na dekhā

sukūn-e-dil hameñ miltā bhalā kyā

sar-e-mahfil vo nazroñ kā bachānā

vo lamhe bhuul jā.eñge bhalā kyā

usī be-e'tinā.ī ne satāyā

jafā sah kar rahegā hausla kyā

hue bīmār ham bār-e-nazar se

kareñ iz.hār-e-ġham ab barmalā kyā

fazā.eñ kyoñ mo'attar ho rahī haiñ

jahān-e-zindagī meñ gul khilā kyā

karen un se shikayat aur gila kya

unhen hum ko satane se mila kya

hamare qissa-e-gham ko suna kar

usi gham se kisi ka dil jala kya

kya badnam hai sare jahan mein

tumhein mil jaega is ka sila kya

kabhi nazar-e-inayat se na dekha

sukun-e-dil hamein milta bhala kya

sar-e-mahfil wo nazron ka bachana

wo lamhe bhul jaenge bhala kya

usi be-e'tinai ne sataya

jafa sah kar rahega hausla kya

hue bimar hum bar-e-nazar se

karen izhaar-e-gham ab barmala kya

fazaen kyon mo'attar ho rahi hain

jahan-e-zindagi mein gul khila kya