کریے کبھی تو کوئی سی گفتار صاف صاف

کریے کبھی تو کوئی سی گفتار صاف صاف

انکار صاف صاف یا اقرار صاف صاف

ہم کو گھما پھرا کے نہیں کہنا ہے پسند

جو بھی ہے دل میں کہتے ہیں اک بار صاف صاف

جادو نگہ میں تھا کہ نگاہیں ہی حکمراں

اک ہی نظر میں جرم کا اقرار صاف صاف

بے چینی دل میں چہرے پہ چھائی ہوائیاں

بربادی کے ہیں عشق میں آثار صاف صاف

سنجیدہ جس طرح سے ہوئے دیکھ کر اسے

دکھتا ہے آپ کا وہ گنہ گار صاف صاف

ہر چند خوشبو سی وہی محسوس ہو رہی

دکھنے لگا ہے وہ پس دیوار صاف صاف