kariye kabhi to koi si guftar saf saf

kariye kabhī to koī sī guftār saaf saaf

inkār saaf saaf yā iqrār saaf saaf

ham ko ghumā phirā ke nahīñ kahnā hai pasand

jo bhī hai dil meñ kahte haiñ ik baar saaf saaf

jaadū nigah meñ thā ki nigāheñ hī hukmarāñ

ik hī nazar meñ jurm kā iqrār saaf saaf

bechainī dil meñ chehre pe chhā.ī havā.iyāñ

barbādī ke haiñ 'ishq meñ āsār saaf saaf

sanjīda jis tarah se hue dekh kar use

dikhtā hai aap kā vo gunahgār saaf saaf

har-chand ḳhushbū sī vahī mahsūs ho rahī

dikhne lagā hai vo pas-e-dīvār saaf saaf

kariye kabhi to koi si guftar saf saf

inkar saf saf ya iqrar saf saf

hum ko ghuma phira ke nahin kahna hai pasand

jo bhi hai dil mein kahte hain ek bar saf saf

jadu nigah mein tha ki nigahen hi hukmaran

ek hi nazar mein jurm ka iqrar saf saf

bechaini dil mein chehre pe chhai hawaiyan

barbaadi ke hain 'ishq mein aasar saf saf

sanjida jis tarah se hue dekh kar use

dikhta hai aap ka wo gunahgar saf saf

har-chand KHushbu si wahi mahsus ho rahi

dikhne laga hai wo pas-e-diwar saf saf