karna hai gar mujhe shikar la koi jal muKHtalif

karnā hai gar mujhe shikār lā koī jaal muḳhtalif

shātir hai tū agar to ab chal koī chaal muḳhtalif

tere ye saare sho.abde mere liye nahīñ na.e

kar ke dikhā kabhī mujhe koī kamāl muḳhtalif

lagte haiñ ye jo kāmyāb haiñ jaise aab par habāb

pesh-e-nigah unheñ na rakh DhūñD misāl muḳhtalif

jin ko milīñ bulandiyāñ dekhīñ unhoñ ne pastiyāñ

hotī hai har dafa magar vaj.h-e-zavāl muḳhtalif

tū ne kahī sunī-sunā.ī mujh se sunī-sunā.ī sun

chāhe agar na.e javāb pūchh savāl muḳhtalif

merī bahār aur ḳhizāñ mere lahū meñ hai nihāñ

mirrīḳh-o-arz se mire haiñ māh-o-sāl muḳhtalif

aisī chalī dam-e-sahar shaam talak kiyā nihāl

bād-e-sabā se thī bahut mauj-e-ḳhayāl muḳhtalif

karna hai gar mujhe shikar la koi jal muKHtalif

shatir hai tu agar to ab chal koi chaal muKHtalif

tere ye sare shoabde mere liye nahin nae

kar ke dikha kabhi mujhe koi kamal muKHtalif

lagte hain ye jo kaamyab hain jaise aab par habab

pesh-e-nigah unhen na rakh DhunD misal muKHtalif

jin ko milin bulandiyan dekhin unhon ne pastiyan

hoti hai har dafa magar wajh-e-zawal muKHtalif

tu ne kahi suni-sunai mujh se suni-sunai sun

chahe agar nae jawab puchh sawal muKHtalif

meri bahaar aur KHizan mere lahu mein hai nihan

mirriKH-o-arz se mere hain mah-o-sal muKHtalif

aisi chali dam-e-sahar sham talak kiya nihaal

baad-e-saba se thi bahut mauj-e-KHayal muKHtalif