karoDon sal ka dekha hua tamasha hai

karoḌoñ saal kā dekhā huā tamāshā hai

ye raqs-e-zīst ki be-qasd-o-be-irāda hai

ajiib mauj-e-subuk-sair thī havā-e-jahāñ

guzar ga.ī to koī naqsh hai na jaada hai

nashāt lamhe kī vo qīmateñ chukā.ī haiñ

ki ab zarā sī masarrat pe dil laraztā hai

akelā maiñ hī nahīñ ai tamāsha-gāh-e-jahāñ

jo sab ko dekh rahā hai vo ḳhud bhī tanhā hai

usī se rishta-e-dil dil usī rū-gardāñ

usī ko DhūñD rahā huuñ usī se jhagḌā hai

karoDon sal ka dekha hua tamasha hai

ye raqs-e-zist ki be-qasd-o-be-irada hai

ajib mauj-e-subuk-sair thi hawa-e-jahan

guzar gai to koi naqsh hai na jada hai

nashat lamhe ki wo qimaten chukai hain

ki ab zara si masarrat pe dil larazta hai

akela main hi nahin ai tamasha-gah-e-jahan

jo sab ko dekh raha hai wo KHud bhi tanha hai

usi se rishta-e-dil dil usi ru-gardan

usi ko DhunD raha hun usi se jhagDa hai