karta hai rahm kaun kisi be-gunah par

kartā hai rahm kaun kisī be-gunāh par

paḌte haiñ tāziyāne yahāñ dād-ḳhvāh par

shikva hai bevafā.ī-e-jānāñ kā is qadar

ham mar chale hanūz na aa.e vo raah par

dil ḳhud huā asiir zanaḳhdān-e-yār meñ

laatī hai tishnagī hī pyāse ko chaah par

shabnam ko mahv kartā hai jis tarah āftāb

yā-rab nigāh-e-mehr ho mere gunāh par

āshiq pe rahm kar shah-e-ḳhūbāñ agar hai tū

vājib hai shafqat-e-ġhorabā bādshāh par

vo chehra-e-kitābī hai zulf-e-dotā meñ yuuñ

mus.haf ko jaise rakhte haiñ dast-e-gavāh par

karta hai rahm kaun kisi be-gunah par

paDte hain taziyane yahan dad-KHwah par

shikwa hai bewafai-e-jaanan ka is qadar

hum mar chale hanuz na aae wo rah par

dil KHud hua asir zanaKHdan-e-yar mein

lati hai tishnagi hi pyase ko chah par

shabnam ko mahw karta hai jis tarah aaftab

ya-rab nigah-e-mehr ho mere gunah par

aashiq pe rahm kar shah-e-KHuban agar hai tu

wajib hai shafqat-e-ghoraba baadshah par

wo chehra-e-kitabi hai zulf-e-dota mein yun

mushaf ko jaise rakhte hain dast-e-gawah par