karte phirte hain ghazalan tera charcha sahab

karte phirte haiñ ġhazālāñ tirā charchā sāhab

ham bhī nikle haiñ tujhe dekhne sahrā sāhab

ye kuchh āsār haiñ ik ḳhvāb-shuda bastī ke

yahīñ bahtā thā vo dil naam kā dariyā sāhab

thā yahī haal hamārā bhī magar jāgte haiñ

kyā 'ajab ḳhvāb sunāyā hai dobāra sāhab

sahl mat jaan ki tujh ruḳh pe ḳhudā hote hue

dil huā jaatā hai gard-e-rah-e-duniyā sāhab

ham na kahte the ki us ko nazar-andāz na kar

aa.ina TuuT gayā dekh liyā nā sāhab

yuuñ hī din Duub rahā ho to ḳhayāl aatā hai

yuuñ hī duniyā se guzar jaate haiñ kyā kyā sāhab

ābshāroñ kī jagah dil meñ kisī ke shab-o-roz

ḳhaak uḌtī ho to vo ḳhaak likhegā sāhab

sach kahā aap kī duniyā meñ hamārā kyā kaam

ham to bas yūñhī chale aa.e the achchhā sāhab

tum to kyā ishq-e-balā-ḳhez ke aage bāhar

miir sāhab haiñ baḌī chiiz na mirzā sāhab

karte phirte hain ghazalan tera charcha sahab

hum bhi nikle hain tujhe dekhne sahra sahab

ye kuchh aasar hain ek KHwab-shuda basti ke

yahin bahta tha wo dil nam ka dariya sahab

tha yahi haal hamara bhi magar jagte hain

kya 'ajab KHwab sunaya hai dobara sahab

sahl mat jaan ki tujh ruKH pe KHuda hote hue

dil hua jata hai gard-e-rah-e-duniya sahab

hum na kahte the ki us ko nazar-andaz na kar

aaina TuT gaya dekh liya na sahab

yun hi din Dub raha ho to KHayal aata hai

yun hi duniya se guzar jate hain kya kya sahab

aabshaaron ki jagah dil mein kisi ke shab-o-roz

KHak uDti ho to wo KHak likhega sahab

sach kaha aap ki duniya mein hamara kya kaam

hum to bas yunhi chale aae the achchha sahab

tum to kya ishq-e-bala-KHez ke aage bahar

mir sahab hain baDi chiz na mirza sahab