کروں جو کوشش تو تجھ دیے کو جلا ہی لوں گا

کروں جو کوشش تو تجھ دیے کو جلا ہی لوں گا

مجھے یقیں ہے میں تجھ کو اپنا بنا ہی لوں گا

جہاں زمانے کی تلخیوں کو میں جھیلتا ہوں

وہاں میں تیرے بھی چار نخرے اٹھا ہی لوں گا

یہ میری اپنی ہی ڈھیل ہے یا خفا ہے تو بھی

میں جب منانے پہ آ گیا تو منا ہی لوں گا

میں مانتا ہوں کہ میں مصور نہیں ہوں کوئی

تمہاری آنکھیں تو یار لیکن بنا ہی لوں گا

مرے کیے پر تمام گاؤں کے لوگ خوش تھے

مجھے یقیں ہے میں سب گھروں سے دعا ہی لوں گا

چراغ سارے کے سارے بے شک نہ بچ سکے پر

میں اپنے حصے کا اک دیا تو بچا ہی لوں گا

مجھے بٹھانے کی تجھ کو کوئی نہ فکر ہوگی

میں آ گیا ہوں تو پھر جگہ بھی بنا ہی لوں گا