karun jo koshish to tujh diye ko jala hi lunga

karūñ jo koshish to tujh diye ko jalā hī lūñgā

mujhe yaqīñ hai maiñ tujh ko apnā banā hī lūñgā

jahāñ zamāne kī talḳhiyoñ ko maiñ jheltā huuñ

vahāñ maiñ tere bhī chaar naḳhre uThā hī lūñgā

ye merī apnī hī Dhiil hai yā ḳhafā hai tū bhī

maiñ jab manāne pe aa gayā to manā hī lūñgā

maiñ māntā huuñ ki maiñ musavvir nahīñ huuñ koī

tumhārī āñkheñ to yaar lekin banā hī lūñgā

mire kiye par tamām gaañv ke log ḳhush the

mujhe yaqīñ hai maiñ sab gharoñ se duā hī lūñgā

charāġh saare ke saare be-shak na bach sake par

maiñ apne hisse kā ik diyā to bachā hī lūñgā

mujhe biThāne kī tujh ko koī na fikr hogī

maiñ aa gayā huuñ to phir jagah bhī banā hī lūñgā

karun jo koshish to tujh diye ko jala hi lunga

mujhe yaqin hai main tujh ko apna bana hi lunga

jahan zamane ki talKHiyon ko main jhelta hun

wahan main tere bhi chaar naKHre uTha hi lunga

ye meri apni hi Dhil hai ya KHafa hai tu bhi

main jab manane pe aa gaya to mana hi lunga

main manta hun ki main musawwir nahin hun koi

tumhaari aankhen to yar lekin bana hi lunga

mere kiye par tamam ganw ke log KHush the

mujhe yaqin hai main sab gharon se dua hi lunga

charagh sare ke sare be-shak na bach sake par

main apne hisse ka ek diya to bacha hi lunga

mujhe biThane ki tujh ko koi na fikr hogi

main aa gaya hun to phir jagah bhi bana hi lunga