karun kya saKHt mushkil aa paDi hai
karūñ kyā saḳht mushkil aa paḌī hai
mirī dahlīz par chāhat khaḌī hai
maqām-e-zabt hai ai dil sambhalnā
judā.ī kī ghaḌī sar par khaḌī hai
rasā.ī kab diloñ tak pā sakī vo
mohabbat jo kitāboñ meñ paḌī hai
shikasta haiñ mire a.asāb yuuñ bhī
anā se jañg ik muddat laḌī hai
ka.ī din se barahna mere dil meñ
ta.alluq kī koī mayyat paḌī hai
use milnā bhī hai qaid-e-musalsal
judā.ī kī bhī apnī hathkaḌī hai
karun kya saKHt mushkil aa paDi hai
meri dahliz par chahat khaDi hai
maqam-e-zabt hai ai dil sambhalna
judai ki ghaDi sar par khaDi hai
rasai kab dilon tak pa saki wo
mohabbat jo kitabon mein paDi hai
shikasta hain mere aasab yun bhi
ana se jang ek muddat laDi hai
kai din se barahna mere dil mein
talluq ki koi mayyat paDi hai
use milna bhi hai qaid-e-musalsal
judai ki bhi apni hathkaDi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
