kashmakash mein hain teri zulfon ke zindani hanuz

kashmakash meñ haiñ tirī zulfoñ ke zindānī hanūz

tīrgī paiham hai ḳham-dar-ḳham pareshānī hanūz

rakhte haiñ ham maqsad-e-tāmīr-e-nau pesh-e-nazar

garche haiñ min-jumla-e-asbāb-e-vīrānī hanūz

sat.h-e-dariyā par sukūñ sā hai magar ai sat.h-bīiñ

qa.ar-o-dariyā meñ vahī maujeñ haiñ tūfānī hanūz

ab junūñ meñ bhī nahīñ aatā hai sahrā kā ḳhayāl

shahr-e-hikmat meñ hai vahshat-ḳhez vīrānī hanūz

pursish-e-ahl-e-qalam ho yā na ho hotī to hai

sañg-e-marmar ke mazāroñ par gul-afshānī hanūz

ham ne rakh dī qālib-e-ash.ār meñ chīz-e-digar

tum nahīñ kar paa.e takmīl-e-zabāñ-dānī hanūz

'ashk' usūl-e-kasb-e-zar se tū nahīñ hai āshnā

tishna-e-takmīl hai terī hama-dānī hanūz

kashmakash mein hain teri zulfon ke zindani hanuz

tirgi paiham hai KHam-dar-KHam pareshani hanuz

rakhte hain hum maqsad-e-tamir-e-nau pesh-e-nazar

garche hain min-jumla-e-asbab-e-virani hanuz

sath-e-dariya par sukun sa hai magar ai sath-biin

qar-o-dariya mein wahi maujen hain tufani hanuz

ab junun mein bhi nahin aata hai sahra ka KHayal

shahr-e-hikmat mein hai wahshat-KHez virani hanuz

pursish-e-ahl-e-qalam ho ya na ho hoti to hai

sang-e-marmar ke mazaron par gul-afshani hanuz

hum ne rakh di qalib-e-ashaar mein chiz-e-digar

tum nahin kar pae takmil-e-zaban-dani hanuz

'ashk' usul-e-kasb-e-zar se tu nahin hai aashna

tishna-e-takmil hai teri hama-dani hanuz