kashti rawan hai aur jasarat safar ki hai

kashtī ravāñ hai aur jasārat safar kī hai

maujoñ meñ bekalī kisī taaza bhañvar kī hai

ġhuncha kalī bahār kiran sab haiñ mujh meñ gum

lekin talāsh mujh ko jahān-e-digar kī hai

nikle haiñ us kī khoj meñ jis kā pata nahīñ

ye kaifiyat anokhī hamāre safar kī hai

shahr-e-havas ko ab bhī mirā intizār hai

mere junūñ ko chaah tire sang-e-dar kī hai

ham fāsloñ kī bandisheñ toḌeñ to kis tarah

manzil jo be-nishān hamāre safar kī hai

din raushnī sameT ke sūraj ko de chukā

tāroñ ko fikr phir bhī numūd-e-sahar kī hai

kashti rawan hai aur jasarat safar ki hai

maujon mein bekali kisi taza bhanwar ki hai

ghuncha kali bahaar kiran sab hain mujh mein gum

lekin talash mujh ko jahan-e-digar ki hai

nikle hain us ki khoj mein jis ka pata nahin

ye kaifiyat anokhi hamare safar ki hai

shahr-e-hawas ko ab bhi mera intizar hai

mere junun ko chah tere sang-e-dar ki hai

hum faslon ki bandishen toDen to kis tarah

manzil jo be-nishan hamare safar ki hai

din raushni sameT ke suraj ko de chuka

taron ko fikr phir bhi numud-e-sahar ki hai