kaT chuki thi ye nazar sab se bahut din pahle

kaT chukī thī ye nazar sab se bahut din pahle

maiñ ne dekhā thā tujhe ab se bahut din pahle

aaj tak gosh-bar-āvāz huuñ sannāTe meñ

harf utrā thā tire lab se bahut din pahle

maiñ ne mastī meñ ye pūchhā thā ki hastī kyā hai

raftgān-e-mai-o-mashrab se bahut din pahle

maslak-e-ishq faqīroñ ne kiyā thā āġhāz

ai mablaġh tire maz.hab se bahut din pahle

phir kisī mai-kada-e-husn meñ vaisī na milī

jaisī pī thī kisī ḳhush-lab se bahut din pahle

ek shaḳhs aur milā thā mujhe tere jaisā

tū na thā zehn meñ jab, jab se bahut din pahle

hazrat-e-shaiḳh kā ik rind se kaisā rishta

haañ mile the kisī matlab se bahut din pahle

kyā tirī sādgī-e-tab.a na.ī shai hai 'shu.ūr'

log chalte the isī Dhab se bahut din pahle

kaT chuki thi ye nazar sab se bahut din pahle

main ne dekha tha tujhe ab se bahut din pahle

aaj tak gosh-bar-awaz hun sannaTe mein

harf utra tha tere lab se bahut din pahle

main ne masti mein ye puchha tha ki hasti kya hai

raftgan-e-mai-o-mashrab se bahut din pahle

maslak-e-ishq faqiron ne kiya tha aaghaz

ai mablagh tere mazhab se bahut din pahle

phir kisi mai-kada-e-husn mein waisi na mili

jaisi pi thi kisi KHush-lab se bahut din pahle

ek shaKHs aur mila tha mujhe tere jaisa

tu na tha zehn mein jab, jab se bahut din pahle

hazrat-e-shaiKH ka ek rind se kaisa rishta

han mile the kisi matlab se bahut din pahle

kya teri sadgi-e-taba nai shai hai 'shuur'

log chalte the isi Dhab se bahut din pahle