kaThin hone ko hai jo shauq ka har marhala sahab

kaThin hone ko hai jo shauq kā har marhala sāhab

zarā socheñ ki lāhaq kyā hai ham ko āriza sāhab

kisī bhī jhuuT par chup sādhnā merā huā mushkil

yahī mushkil hai merī aur merā mas.ala sāhab

sunā.ūñ qissa kyā maiñ hazrat-e-insān kā pal meñ

bahut sadiyoñ kā hai aur hai qadīmī vāqi.a sāhab

merā matlab unhī se jo havas ke bas pujārī haiñ

nahīñ un se hamārā duur kā bhī vāsta sāhab

kisī manzil kisī raste pe koī dosh hī kab hai

hai luuTā rahbaroñ ne bas hamārā qāfila sāhab

kaThin hone ko hai jo shauq ka har marhala sahab

zara sochen ki lahaq kya hai hum ko aariza sahab

kisi bhi jhuT par chup sadhna mera hua mushkil

yahi mushkil hai meri aur mera masala sahab

sunaun qissa kya main hazrat-e-insan ka pal mein

bahut sadiyon ka hai aur hai qadimi waqia sahab

mera matlab unhi se jo hawas ke bas pujari hain

nahin un se hamara dur ka bhi wasta sahab

kisi manzil kisi raste pe koi dosh hi kab hai

hai luTa rahbaron ne bas hamara qafila sahab