kaun ab unki anjuman mein nahin

kaun ab un kī anjuman meñ nahīñ

chup haiñ jaise zabāñ dahan meñ nahīñ

apne aabā meñ thī ravādārī

ab vo mere tire chalan meñ nahīñ

māl-o-zar ko kahāñ chhupāoge

jeb jab aap ke kafan meñ nahīñ

do ghaḌī kā sukūñ ḳharīd sake

aisī tāqat tumhāre dhan meñ nahīñ

sabr kā phal kahāñ milegā tujhe

sabr kā peḌ hī chaman meñ nahīñ

baat jo haq kī barmalā kah de

vo zabāñ hī kisī dahan meñ nahīñ

jis ko bū-e-vafā bhī kahte the

vaisī ḳhushbū to ab vatan meñ nahīñ

ham hunar kah sakeñ jise yaaro

ham meñ hai vo hamāre fan meñ nahīñ

ab to apne ta.iiñ bhī ai 'rāhat'

koī ranjish hamāre man meñ nahīñ

kaun ab un ki anjuman mein nahin

chup hain jaise zaban dahan mein nahin

apne aaba mein thi rawadari

ab wo mere tere chalan mein nahin

mal-o-zar ko kahan chhupaoge

jeb jab aap ke kafan mein nahin

do ghaDi ka sukun KHarid sake

aisi taqat tumhaare dhan mein nahin

sabr ka phal kahan milega tujhe

sabr ka peD hi chaman mein nahin

baat jo haq ki barmala kah de

wo zaban hi kisi dahan mein nahin

jis ko bu-e-wafa bhi kahte the

waisi KHushbu to ab watan mein nahin

hum hunar kah saken jise yaro

hum mein hai wo hamare fan mein nahin

ab to apne tain bhi ai 'rahat'

koi ranjish hamare man mein nahin