kaun aisa hai kahe tabir jo

kaun aisā hai kahe tā'bīr jo

ḳhvāb meñ dekhī hai ik zanjīr jo

zindagī rangīn sī lagne lagī

sāmne rakkhī tirī tasvīr jo

haa.e mumkin hī kahāñ batlā sakūñ

aap ke chhūne meñ hai tāsīr jo

naam zinda rah ga.e un ke sadā

haiñ diloñ ko kar ga.e tasḳhīr jo

vo qalam kī shaan se vāqif nahīñ

haath meñ rakkhā kare shamshīr jo

jism kyā hai ruuh ghāyal kar gayā

terī jānib se hai aayā tiir jo

hai koī 'ambar' yahāñ chehra-shanās

mere chehre se paḌhe tahrīr jo

kaun aisa hai kahe ta'bir jo

KHwab mein dekhi hai ek zanjir jo

zindagi rangin si lagne lagi

samne rakkhi teri taswir jo

hae mumkin hi kahan batla sakun

aap ke chhune mein hai tasir jo

nam zinda rah gae un ke sada

hain dilon ko kar gae tasKHir jo

wo qalam ki shan se waqif nahin

hath mein rakkha kare shamshir jo

jism kya hai ruh ghayal kar gaya

teri jaanib se hai aaya tir jo

hai koi 'ambar' yahan chehra-shanas

mere chehre se paDhe tahrir jo