kaun atha mein utre meri kis pe khule hangam mera

kaun athā meñ utre merī kis pe khule hañgām mirā

ashk se kaise bhāñp sakoge ḳhuun meñ hai kohrām mirā

koī to saa.at guzre jis meñ do tahzībeñ vasl kareñ

khīñch luuñ maiñ zunnār badan par bāñdh le tū ehrām mirā

bach ke kahāñ jāoge āḳhir tum itne chālāk nahīñ

dasht ke chappe chappe par to bichhā huā hai daam mirā

hare-bhare insān ko kaise hijr kī aag ne zard kiyā

ab bhī ishq karegā pyāre dekh to le anjām mirā

aayā huuñ bāzār meñ bikne maiñ ḳhud apnī marzī se

varna kis meñ dam hai itnā kaun lagā.e daam mirā

niiñd kī ye imdād hamesha ishq meñ pahuñchānā mujh ko

aañkh na ho tujh husn se ḳhālī ḳhvāb na ho nākām mirā

sab ne zabāñ pe vird kī sūrat mere sher sajā.e haiñ

kaan lagā kar sun le har sū guuñj rahā hai naam mirā

jaane kis ke ḳhauf se ghar par vahshat taarī rahtī hai

kaañp rahī hai saqf musalsal laraz rahā hai baam mirā

chhoḌ guzishta ahd kī bāteñ kaun marā aur kaun jiyā

mujh se mil maiñ ahd-e-ravāñ huuñ aurañgzeb hai naam mirā

kaun atha mein utre meri kis pe khule hangam mera

ashk se kaise bhanp sakoge KHun mein hai kohram mera

koi to saat guzre jis mein do tahziben wasl karen

khinch lun main zunnar badan par bandh le tu ehram mera

bach ke kahan jaoge aaKHir tum itne chaalak nahin

dasht ke chappe chappe par to bichha hua hai dam mera

hare-bhare insan ko kaise hijr ki aag ne zard kiya

ab bhi ishq karega pyare dekh to le anjam mera

aaya hun bazar mein bikne main KHud apni marzi se

warna kis mein dam hai itna kaun lagae dam mera

nind ki ye imdad hamesha ishq mein pahunchana mujh ko

aankh na ho tujh husn se KHali KHwab na ho nakaam mera

sab ne zaban pe wird ki surat mere sher sajae hain

kan laga kar sun le har su gunj raha hai nam mera

jaane kis ke KHauf se ghar par wahshat tari rahti hai

kanp rahi hai saqf musalsal laraz raha hai baam mera

chhoD guzishta ahd ki baaten kaun mara aur kaun jiya

mujh se mil main ahd-e-rawan hun aurangzeb hai nam mera