kaun gulshan mein rahe nargis-e-hairan ki tarah

kaun gulshan meñ rahe nargis-e-hairāñ kī tarah

aao chamkā deñ use mehr-e-daraḳhshāñ kī tarah

umr bhar rā-navardī kā rahā ham ko junūñ

ḳhār-zāroñ se bhī guzre haiñ gulistāñ kī tarah

taar baaqī haiñ jo do-chār garebāñ meñ mire

TuuT jaa.eñ na kahīñ tār-e-rag-e-jāñ kī tarah

log kahte haiñ ki ho baaġh meñ lekin ham ko

yaañ ki har shai nazar aatī hai bayābāñ kī tarah

zindagī naam hai mar mar ke jiye jaane kā

duur hī ham se raho chashma-e-haivāñ kī tarah

ham ko bhātā hai chaman dil se magar kyā kiije

is meñ ārām nahīñ gosha-e-zindāñ kī tarah

daal galtī nahīñ bastī meñ hamārī 'arshī'

aao vīrāne hī meñ baiTh leñ insāñ kī tarah

kaun gulshan mein rahe nargis-e-hairan ki tarah

aao chamka den use mehr-e-daraKHshan ki tarah

umr bhar ra-nawardi ka raha hum ko junun

KHar-zaron se bhi guzre hain gulistan ki tarah

tar baqi hain jo do-chaar gareban mein mere

TuT jaen na kahin tar-e-rag-e-jaan ki tarah

log kahte hain ki ho bagh mein lekin hum ko

yan ki har shai nazar aati hai bayaban ki tarah

zindagi nam hai mar mar ke jiye jaane ka

dur hi hum se raho chashma-e-haiwan ki tarah

hum ko bhata hai chaman dil se magar kya kije

is mein aaram nahin gosha-e-zindan ki tarah

dal galti nahin basti mein hamari 'arshi'

aao virane hi mein baiTh len insan ki tarah